السيادي يقتبس إحدي روائع الكابلي شعارا لإحتفالات الإستقلال والثورة

السيادي يقتبس رائعة المرحوم الكابلي (قمر دورين) شعارا لإحتفالات الإستقلال والثورة

الخرطوم : عبدالرحمن الكيال

أصدر مجلس السيادة الإنتقالي ، اليوم ، تعميما صحفيا ، أشار خلاله إلى إقتباسه رائعة الفنان المرحوم عبدالكريم الكابلي (قمر دورين) ، لتكون شعارا لإحتفالات ذكري إستقلال البلاد ال(66) ، والذكري (3) لثورة ديسمبر المجيدة – أبنوهو – أحموهو – وطن الجمال .

وفيما يلي يورد (سوداني بوست) ، نص التعميم الصحفي :

فى إطار إحتفالات البلاد بالذكري (66) لإستقلال السودان ، والذكري (3) لثورة ديسمبر المجيدة ، وإحتفاءا وتكريما للرمز الثقافي الفنان عبدالكريم الكابلي (رحمه الله) ، تم الإقتباس من إحدي روائعه الوطنية (قمر دورين) شعارا للإحتفالات هذا العام .

يجئ الإقتباس إعترافا وتقديرا لدوره المتعاظم فى نشر الثقافة والفنون السودانية توحيدا لوجدان الأمة داخل الوطن وخارجه ربطا لبلادنا بمحيطها الإقليمي والعالمي .
فهو للحق (قمر دورين) ، أضاء بفكره وإبداعه عالمنا بعطائه الخالد الرصين .

يذكر أن رئيس وأعضاء مجلس السيادة الإنتقالي،، كانوا قد نعوا المرحوم الفنان الكابلي ، والذي إنتقل إلى جوار ربه يوم 2 ديسمبر 2021م ، بعد صراع طويل مع المرض .

لقد وهب الراحل نفسه لخدمة الفن والثقافة والتراث السوداني. وكان الراحل من الفنانين والموسيقيين الأفذاذ والمتفردين فى مضمار الغناء والفن السوداني الأصيل.

كما كان من الباحثين فى التراث الشعبي السوداني ، وأثرى الساحة الفنية ، بالعديد من الأغاني و الأعمال الخالدة.

وأدناه يورد (سوداني بوست) كلمات أغنية (قمر دورين) :

يا قمر دورين أنا شفتك وين…
طبعا فى الليل.. فى ضفاير النيل
فى رمال سهرانه و راجياك تسيل
فى دموع الساقيه يرنو ليها نخيل
فى وجوه فرحانه عامره بالتهليل
فى عيون نعسانه غارقه فى التكحيل
وكل ديل فى وطني..
شمس الصباح والصباح رباح شمسك ياوطني
طعم النجاح الزانو كفاح.. طعمك ويا وطني
حتى الجراح الزمانن… راح مهرك يا وطني
أهلي الفصاح أسياد الصباح درعك يا وطني
كل الملاح الجمالهن… فاح زينتك ياوطني
انت عندي كبير… و حبي ليك كتير
القومه ليك يا وطني..
شيلوه.. وزيدوه.. وطن الجمال..
علوه.. وخلوه.. في عين المحال
أبنوه.. و مدوه.. بالمال و العيال
زيديوه.. و أبنوه.. بعزم الرجال
بأملنا وبعملنا و بالمحنه
و بوفا النيل في دمانا نبني جنه
و نبتهج نحنا و صغارنا و نتغنى
يا أصلنا و مبتدانا يا حلاة مسرح صبانا وذكرياتنا و مشتهانا
انت فينا كبير و ريدنا ليك كبير
القومه ليك يا وطني…