آخر الأخبار
The news is by your side.

يا الخرطوم .. بقلم: عز الدين ود الماجدي 

يا الخرطوم .. بقلم: عز الدين ود الماجدي 

يا الخرطوم
أباهيبك بلاد فارس
وأفاضلبك بلاد الروم ..
اذا سورك قفل بابو
وكتب في مسرحك مظلوم ..
وقع في خاصرتك
عصياااااان
علي إيقاع غُنا المردوم ..
مسك في خيطك الفستان
غزل باكر
علي لافته حلم مكتوم ..
نحسبو في مسارب
الروح
قريب مو بعيد ..
ايا الخرطوم شويكة الحوت
هتاف يتماري في الحلقوم ..
بدون شارع ..
نفس عصيان اذا ما كان
تجي العافية وعلينا تدوم ..

بجينا خلاص
بدون رُصاص
قلم رصاص
كتب في دفتر الكراس ..
حبر ما بجرح الورقة
حلم في الساس ملازم الراس ..
ظلم فوق ظلم ما بيدوم ..
يا الخرطوم ..
عليك المقرن النيلين
عليك الطابية وام درمان
عليك اوسم بنات الحي
تشهي عيونا للنعسان
يقع عصيان ..
يفدي الدم اذا نقح الوجع
شريان
يفلي شوارع الخرطوم
يهدهدا شان تنوم في أمان..
يضمها تضحك ام درمان
يفكها بحري يا إنسان ..
وهج ضي الشوارع حق
وسور قلب المدينة رحيب
نسو صف الولا بنشق ..
نكون شعب العدم للعيب
يقوم عصيان تقع طامة
ويصح حلم الحلمنا قريب
وطن زي شافو محجوبو
وطن حدادي مدادي
وطن لا قسوة لا تعذيب
سمح زي حلمو حميدو
وسماهو القريب وحبيب
وطن عافية ..
وعقد منضوم ..
عدالة سماحة حرية
علي جيدك ايا خرطوم ..
..

Loading

شارك على
أكتب تعليقك هنا

لن يتم نشر عنوان بريدك الإلكتروني.